Modellirnar skulu vera lágar

Tann 39 ára gamli sniðgevin og songkvinnan Laila av Reyni sóknast nú eftir gent­um, sum eru lægri enn 1,62 metr­ar, at ganga catwalk.
Leygarkvøldið 12. okto­ber hevur hon eina serliga útgávukonsert, har mótasýning eisini verður á skrán­ni.
Herfyri leitaði Laila av Rey­ni eftir modellum at gan­ga catwalk til ta einu móta­sýningina hetta kvøl­d­ið.
- Tá vóru tað hesa her longu, slanku modellirnar, ið helst skuldu vera yvir 1,70 metr­ar, meðan eg nú sóknist eft­ir gentum, ið eru so lágar sum gjørligt, sigur Laila av Rey­ni.
Tær lágu modellirnar skulu verða partur av álva­móta­sýni­ng­ini, sum ei­si­ni verður á skránni leyg­ar­kvøld­ið tann 12. oktober á Østrøm.
- Næmingarnir hjá mær á Tekn­iska Skúla fara at gera eitt heilt serstakt mótashow, har tema er álvagentur. Og tí vil eg hava heilt lágar gentur til at vera modellir til ta sýn­ing­ina, greiðir Laila av Reyni frá.
Sunnudagin í hesi vikuni savn­ar hon saman allar tær genturnar, ið ynskja at lut­taka í álvaframsýningini, og tá velur hon út, hvørjar tær 10 verða, ið sleppa við.