Misti koyrikortið á staðnum

Í nátt var løgreglan í Kaldbaksbotni við radaranum og máldu, hvussu skjótt bilarnir koyrdu.

Ferðin varð máta nakað frá tunnilsmunnanum, har tað er loyvt at koyra 80 kilometrar um tíman.

Løgreglan sigur í morgun, tveir bilførarar vórðu tiknir.

Annar bilførarin koyrdi 113 kilometrar um tíman. Hann fær klipp í koyrikortið, umframt at hann skal taka koyrikortið av nýggjum, annars missur hann tað.

Hin bilførarin koyrdi heilar 136 kilometrar um tíman og hann misti koyrikortið á staðnum.