Tá Bergur Jacobsen, prestur, leggur frá sær sum prestur fyri føroyska kirkjuliðið í Samuelskirkjuni í Keypmannahavn, fer Københavns Stift ikki at lýsa starvið leyst aftur.
Men tað fer kortini framvegis at standa føroyingum í boðið at nýta Samuelskirkjuna. Fyri 1970 varð prestastarvið røkt av sjálvbodnum prestum, og um føroyska Fólkakirkjan ikki finnu eina loysn, so fer arbeiðið aftur á sjálvbodnar hendur.
Síðani 1970, tá prestur varð settur í fast starv, hava tveir prestar røkt starvið, fyrst var tað Petur Andrew Petersen, og seinnu árini hevur Bergur Jacobsen røkt starvið.
