Ódámlig tøl í spurnakanning
Sambært spurnakanning viðvíkjandi flóttafólki er hugburðurin hjá nógvum føroyingum ikki so miskunnsamur, sum undirritaði hevði væntað.
Er hatta veruliga støðan í Føroyum, smørholuni, í dag?
SAMGONGUVELJARAR: 76% ímóti at taka okkara lutfalsliga part av neyðstøddum flóttum!
ANDSTØÐUVELJARAR: 34 % ímóti!
ALLIR FØROYINGAR: 53 % ímóti!
Sjálvt lítla Hetland hevur ætlanir um at taka ímóti flóttum!
Sjálvandi eiga vit ikki at seta tiltøk í verk í óðum verkum, men ---.
Hevur ikki onkur í Føroyum ringan smakk í munninum av hasum tølunum, kanska serstakliga innan samgonguna?
Hjálpa á staðnum, hvat er tað fyri nakað?
Hugaligt tó, at Jenis sýnir samhug. Tað átti at samsvarað væl við stevnuskránna hjá hansara flokki.
Við ivakvøðu
Eyðun á Borg
