Catalanskur leiðari ákærir sponsku løgregluna fyri at »brúka harðskap ábyrgdarleyst og úti av proportionum«.
Spanska løgreglan hevur lopið á mótmælisfólk í Barcelona við gummikúlum.
Tey flestu av teimum særdu eru komin lættari til skaða, men minst trý hava fingið álvarsligan skaða.
– Níggju fólk máttu flytast á skaðastovu at fáa viðgerð. Flestu teirra eru viðgjørd fyri sár, ørlisi og ræðsluherðindi, siga sjúkahúskeldur.
Catalanski leiðarin, Carles Puigdemont, ákærir sponsku myndugleikarnar fyri » brúka harðskap ábyrgdarleyst og úti av proportionum«.
Stríðsklædd løgreglufólk hava skotið við gummikúlum og tvingað sær atgongd til valstøð, sum eru herðtikin, meðan fleiri túsund fólk eru á gøtuni fyri at atkvøða.
Tað kom til harðligar samanbrestir, tá løgreglufólk sperraðu valstøð og løgdu hald á atkvøðukassar fyri at steðga atkvøðugreiðsluni í vælhavandi spanska landspartinum, har umleið 5,3 milliónir fólk eru biðin um at atkvøða.
Í miðbýnum í Barcelona lupu løgreglufólk á mótmælisfólk, sum sótu niðri við eitt at atkvøðuhølunum, sum skuldi steingjast, siga eygnavitni.
Løgreglufólk lupu eisini á eitt valstað nærindis Girona, har tey brutu vindeygu og glashurðar til atkvøðuhølið, har Puigdemont skulu atkvøða.
---
Fyri løtu síðani boðaði spanska innanríkisráðið sambært AFP frá, at 11 løgreglufólk hava fingið skaða í Catalonia.
ritzau/Reuters
