Hondbóltsspælarin Mikkel Hansen er úti tað sum eftir er av kappingarárinum.
Orsøkin er eftirsjúka eftir eina skurðviðgerð, sum hann var undir í Danmark í síðstu viku, skrivar PSG á heimasíðuni.
Mikkel Hansen skuldi undir skurð, tí hann hevði trupulleikar við bróski í høgra knæ. Hann skuldi verða burtur í fýra til seks vikur, men tað fer nú eftir øllum at døma at taka nógv longri tíð.
Fraklendingarnir skriva, at Mikkel Hansen eftir skurðviðgerðina fekk æðrabruna saman við blóðtøppi í lungunum.
Sambært PSG skal royndi danski landsliðsspælarin viðgerast við blóðtynnandi heilivági í fýra til seks mánaðir.
– Tá hendan viðgerðin ikki kann sameinast við kontaktítrótt á høgum støði, verður nummar 24 á parísaraliðnum ikki tøkur aftur hetta kappingarárið.
Tað merkir so í veruleikanum, at Mikkel Hansen hevur spæl seinasta dystin fyri PSG.
Tí frá komandi kappingarásbyrjan fer bakspælarin heim til Danmarkar at spæla fyri Aalborg Håndbold.
/ritzau/
