Miðvingar hava í dag vunnið kappingna millum 8-mannaførini á Vestanstevnu. Hetta var sætti sigurin hjá miðvingum í ár, og harvið hava teir vunnið allar róðrarnar. Sigurin var vunnin í stórum stíli. Miðvingur legði seg á odda beinanvegin, og á málinum var munurin aftur til kappingarneytarnar meiri enn tvær bátslongdir.
Harvið er Miðvingur FM vinnari í 2012.
Argjabáturin vann kappingina um næstfremsta plássið, og Kvívíkingur basti Gullbrandi í stríðnum um bronsuplássið.
1 Miðvingur 04:36.08
2 Argjabáturin 04:42.03
3 Kvívíkingur 04:42.22
4 Gullbrandur 04:46.03
Støðan
1 Miðvingur 42
2 Argjabáturin 35
3 Gullbrandur 30
4 Kvívíkingur 5
5 Heiðabáturin 4
