Sølustevna
Tíðindaskriv
Høvið verður at keypa sær eitthvørt lætt til matna ella at vinna sær okkurt í mat tombola. Eisini skuldi hetta verið eitt frálíkt høvið hjá bæði teimum stóru og smáu at stuttleika sær. M.a. verður mótashow, Line Dance framførsla, og Trøllapætur & Omman og Nósi koma eisini á vitjan.
Sunnudagin er harumframt ókeypis at koyra gjøgnum Vágatunnilin, so ein túrur vestur í Vágar hetta vikuskiftið skuldi ligið væl fyri.
Tónleikaundirhald
Tónleikaundirhald verður báðar dagarnar og leygarkvøldið verður skipað fyri serligari “Tónleika Café” og “Syngið við” kvøldi í Bygdarhúsinum.
Ímeðan sølustevnan er opin, syngja Systkini á Løgmansbø, Elsa í Garði og Jana Johannesen, Fríðbjørg Jensen og Ungdómskórið í Vágum.
Á serliga tónleikatiltakinum leygarkvøldið kl.20.30 luttaka Hanus G. Johansen, Sámal Ravnsfjall, Petur Pálsson og Knút Háberg Eysturstein. Harmonikuliðið Knarkar fer at spæla undir sanginum, sum Jens Eli Elleffsen skipar fyri. Atgongumerki til “Tónleika Café” og “Syngið við” verða seld bæði í forsølu og við dyrnar leygarkvøldið. Dentur verður lagdur á at áhoyrararnir fáa eitt hugnaligt tónleikakvøld til ein sera sámuligan prís. Íroknað atgongumerki er, umframt tónleikaundirhald og skemt, ein the - ella kaffimunnur við fleiri sløgum av heimagjørdum køkum afturvið. Eisini verður møguleiki at keypa smyrjibreyð við føroyskum viðskera og annað leskiligt.
Kamping
Í samband við sølustevnuna í Miðvági er barnavinarliga økið við síðuna av fótbóltsvøllinum sett av til kampingvognar. Her kunnu kampingvogneigarar, sum frammanundan hava boðað frá, nýta høvið at seta kampingvogn sín á økið og halda vikuskiftisfrí í hugnaliga umhvørvinum, har stuttur vegur er til mong góð tiltøk, innkeyp, spælipláss, skate-board bana, fótbóltsvøll, sand, fjøru og viðarlund. Mong søgulig støð eru verd at vitja í Miðvági, og kann ein túrur til m. a. Kálvalíðhúsini, har Beinta búði ella til Hýsisá, har Mikkjal á Ryggi høgdi ørindi í klettin, verða sera áhugaverdur fyri bæði børn og vaksin.
Við einari sera fjølbroyttari skrá til bæði vaksin og børn bjóðar Miðvágs Bóltfelag øllum til sølustevnu 28. og 29. apríl.
Luttakarar
Klædnahandlar:
Hali Lingeri í Klaksvík, Vestmóti í Vestmanna, Klædnahandilin í Skálavík og La Femme í Saltangará, Barnahandilin Snák í Tórshavn, Hjá Randi í Miðvági (skógvar).
Frítíð & ítriv:
Marjun Heimá (seymimaskinur o.a.)
Hjá Jákup (telt o.a.)
Stubbin í Vestmanna (campingútgerð),
Súkkluhandilin í Kollafirði.
El-útgerð:
El – Tænastan.
Hárfríðkan:
Hárvist við Karin Johannesen.
Akfør:
Ivan Johansen Bilar
Reyni Service
Sp/f Mykines.
