Atlantic Airways hevur sent eina fráboðan út, har tey vísa á, at ferðafólkatølini fyri august í ár hava sett met.
Fleiri enn 34.500 ferðafólk hava ferðast við flogførum og tyrlum hjá Atlantic Airways í august. Tað er ein øking á átta prosent í mun til august í 2015.
Juli mánaði í ár var eisini metgóður tá uml. 43.000 ferðafólk flugu við flogførum og tyrlum hjá Atlantic Airways.
Higartil í ár hava 210.400 ferðandi ferðast við Atlantic Airways, sum er ein øking á átta prosent í mun til sama tíðarskeið í fjør.
