Eftir at økisleiðarin fyri øki 1, Suðurstreymoy, fór úr starvið, hevur Almannaverkið avgjørt at seta Metu av Fløtum í fyribils starv sum økisleiðari.
Meta er útbúgvin sjúkrarøktarfrøðingur og hevur hartil leiðsluútbúgving.
Hon hevur drúgvar royndir sum leiðari innan eldraøkið, og hevur verið leiðari á Lágargarði seinastu 7 árini.
Áðrenn tað var hon varaleiðari í øki 1, sum er Suðurstreymoyarøkið, í fýra ár og síðan økisleiðari í eitt ár.
Meta av Fløtum kemur beinleiðis frá einum starvi sum leiðari av Lágargarði og byrjar alt fyri eitt í nýggja starvinum.
