Champions League umfarið í kvøld skapti tvey púra óvæntað úrslit. Og tað størsta var, at kypriotiska APOEL Nicosia megnaði at vinna á FC Porto, og harvið at halda fast um fyrsta plássið í bólkinum.
Kypriotiska liðið kom á odda í fyrra hálvleiki við brotsspari, sum fyrrverandi FCK leikarin Almeida setti í netið, og hóast tað eydnðist brasiliumanninum Hulk at javna, skoraði Manduca sigursmálið í seinasta minutti.
Hitt óvæntaða úrslitið var javnleikurin, sum Genk fekk á heimavølli móti Chelsea. Londonliðið kom annars á odda í fyrra hálvleiki við máli, sum Ramires skoraði, men so brendi landsmaðurin, Luiz, brotsspark, og í sienna hálvleiki javnaði Vossen.
Barcelona hevði trupulleikar at finna málið, tá teir leiktu móti Viktoria Plzen á heimavølli og bert vunnu 1-0. Men í kvøld á útivølli móti sama liði gekk betur. Messi skoraði hattrick og Fabregas eitt fjórða, tá Barca vann 4-0.
Úrslitini vóru annars
Bólkur E
Genk-Chaesea 1-1
Valencia-Leverkusen 3-1
Bólkur F
Arsenal-Marseille 0-0
Dortmund-Olympiakos 1-0
Bólkur G
Zenit St. Petersburg-Shaktar Donetsk 1-0
APOEL Nicosia-FC Porto 2-1
Bólkur H
BATE Borisov-AC Milan 1-1
Viktoria Plzen-Barcelona 0-4
