Valgrein
Hanna Paula við Streym
Valevni fyri Tjóðveldi
Vit standa á einum vegamóti. Spurningurin er ikki bara, hvussu vit fáa fíggjarligt
haldføri, men eisini, hvussu vit fáa menniskjansligt haldføri. Hesi bæði hanga
saman
Skulu vit hava eitt haldført samfelag, mugu vit eisini hava eitt haldført arbeiðslív. Tað
hava vit ikki, sum er. Hvørki á eldraøkinum, almannaøkinum, psykiatriska økinum ella
sosiala økinum.
Vit hava trupulleikar við fíggjarliga haldførinum, og tað hongur saman við
menniskjansliga haldførinum.
Tá fólk ikki orka ella sleppa at arbeiða fulla tíð, rinda tey minni skatt. Tey hava verri
keypiorku. Tey verða verri stillað enn tey, sum hava umstøður og orku at arbeiða nógv
og tjena nógv.
Vælferðin og fíggjarliga haldførið kunnu ikki byggjast á útbrend starvsfólk!
Tøkir og tryggir bústaðir eru felagsnevnarin fyri bæði fíggjarligt og menniskjansligt
haldføri.
Hava fólk ongastaðni at búgva, kunnu tey ikki taka eitt tak fyri Føroyar. Og hava fólk
ongastaðni at búgva, kostar tað á menniskjansliga haldførinum.
Vit mugu tí byggja nógv fleiri bústaðir. Bæði almennar leigubústaðir, lutaíbúðir og sethús
í samstarvi millum tað almenna og privatu vinnuna, so vit fáa bygt meira og skjótari.
Vit eru ein lítil tjóð. Tí kunnu vit gera tingini øðrvísi. Smidligari. Menniskjaligari. Føroyskt.
Við minni umsiting og meira til menniskjað.
Tí fíggjarligt og menniskjansligt haldføri hanga saman.
