Stóra málið hjá øllum, sum rógva kapp, er at vinna FM. Hetta málið hava fimm manningar longu rokkið. Tær fara á ólavsøku sum FM vinnarar í 2022. Manningarnar, sum á vestanstevnu tryggjaðu sær FM heitið, eru Dúgvan í barnaróðrinum hjá dreingjum, Sílið í kappingini millum 14 – 15 ára gamlar dreingir, Fípan Fagra í kappingini millum gentur 17 – 18 ár, Tjaldrið í kappingini millum 5-mannafør við kvinnum og Knørrur í kappingini millum 8-mannafør. Allar hesar manningarnar hava fulla úrtøk uttan Tjaldrið, sum hevur mist eitt stig.
Talan plagar ofta at vera um ein ella fleiri finaluróðrar um FM heitið á ólavsøku, men soleiðis verður tað ikki í ár. Í teimum róðrunum, har kappingin um FM ikki er avgjørd, er talan um so stórar favorittar at vinna FM, at tað er óhugsandi, at favorittarnir ikki fara at vinna FM.
Tað er eingin ivi um, at Sílið fer at vinna FM í kappingini millum gentur í barnaróðrinum, at Kjósin fer at vinna FM í kappingini millum gentur 14 – 16 ár, at Jallurin fer at vinna FM í kappingini millum dreingir 17 – 18 ár, og at Jarnbardur við kvinnum, Páll Fangi við monnum, Knørrur og Klaksvíkingur fara at vinna FM. Merkisvert er tað, at Jarnbardur við kvinnum hevur vunnið fulla úrtøku, men ikki ástøðiliga fer at tryggja sær FM heitið fyrr enn á ólavsøku.
At vinna FM og at vinna á ólavsøku er tað optimala. Hjá teimum, sum ikki hava møguleika at vinna á FM, er málið at vinna. Hagtølini vísa, at tað á hvørjum ári eru fleiri FM vinnarar, sum ikki vinna á ólavsøku.
Í fjør vunnu fimm bátar á ólavsøku, sum ikki vunnu FM, og tað vóru fýra bátar, sum bæði vunnu FM og ólavsøkuróðurin.
Á vestanstevnu í Sørvági næstsíðsta leygardag vóru ábendingar um, at onkrir bátar, sum ikki fyrr í summar hava verið so frammarlaga, nú eru væl fyri, og venjing í knappar tvær vikur aftrat kann bera við sær, at tað av álvara fer at bera til at bjóða FM vinnarum og FM favorittum av.
Ólavsøkan og FM í 2021 | Ólavsøkuvinnari | FM vinnari |
Barnaróður gentur | Sævarmoy | Drekin |
Barnaróður dreingir | Tjaldrið | Sævarmoy |
5-mannafør gentur | Fípan Fagra | Drekin |
5-mannafør dreingir | Fípan Fagra | Fípan Fagra |
5-mannafør kvinnur | Firvaldur | Firvaldur |
6-mannafør kvinnur | Jarnbardur | Jarnbardur |
6-mannafør menn | Páll Fangi | Sundabáturin |
8-mannafør | Knørrur | Argjabáturin |
10-mannafør | Klaksvíkingur | Klaksvíkingur |
-
Støðan í FM kappingini | ||||
Barnaróður gentur | ||||
1 | Sílið | 35 | ||
2 | Kollur | 28 | ||
3 | Ørnin | 27 | ||
Barnaróður dreingir | ||||
1 | Dúgvan | 35 | ||
2 | Sævarmoy | 26 | ||
3 | Knúkur | 24 | ||
5-mannafør gentur 14 - 16 ár | ||||
1 | Kjósin | 38 | ||
2 | Malunarhav | 31 | ||
3 | Títlingur | 27 | ||
5-mannafør dreingir 14 - 16 ár | ||||
1 | Sílið | 40 | ||
2 | Báran | 31 | ||
3 | Heykur | 29 | ||
5-mannafør gentur 17 - 18 ár | ||||
1 | Fípan Fagra | 42 | ||
2 | Teistin | 31 | ||
3 | Firvaldur | 31 | ||
5-mannafør dreingir 17 - 18 ár | ||||
1 | Jallurin | 42 | ||
2 | Blikur | 35 | ||
3 | Tambar | 31 | ||
5-mannafør kvinnur | ||||
1 | Tjaldrið | 41 | ||
2 | Blikur | 31 | ||
3 | Leikalind | 29 | ||
6-mannafør kvinnur | ||||
1 | Jarnbardur | 42 | ||
2 | Froðbingur | 36 | ||
3 | Sundabáturin | 30 | ||
6-mannafør menn | ||||
1 | Páll Fangi | 42 | ||
2 | Hósvíkingur | 35 | ||
3 | Skúgvur | 31 | ||
8-mannafør | ||||
1 | Knørrur | 42 | ||
2 | Argjabáturin | 36 | ||
3 | Miðvingur | 28 | ||
10-mannafør | ||||
1 | Klaksvíkingur | 41 | ||
2 | Norðingur | 37 | ||
3 | Havnarbáturin | 29 | ||