Umleið 200 milliónir fólk í ES-londunum eru nú liðugt koppsett, og tað merkir, at 54,7 prosent av fólkinum í ES hevur fingið bæði prikini.
Hetta upplýsir Dana Spinant, sum er talskvinna fyri ES-nevnidini, sambært Ritzau.
68,4 prosent av fólkinum í ES hevur fingið fyrru koppseting.
– Vit eru nú millum tey øki í heiminum, sum hevur koppsett flest fólk, men tað er umráðandi, at gongdin heldur fram, so tað ikki koma lummar, har virusið kann mutera og spreiða seg, sigur Dana Spinant.
Í Føroyum eru 50,3 prosent av fólkinum liðugt koppsett.
