Veðrið er av tí besta kring landið, og veðurstovurnar siga frá lýggjum, stillum og turrum veðri restina av degnum og í kvøld.
Hetta er góðar umstøður at halda Countryfestival í Sørvági. Festivalurin fyri country og blues tónleik heldur fram í dag, og nógv fólk hava longu verið á festivali.
Countryfestivalurin byrjar í dag við barnaundirhaldi kl. 14.30, og síðani verður hildið fram til langt út á sunnunáttina.
Í kvøld ber eitt nú til at hoyra føroyska countrykongin Hall Joensen spæla. Eisini fara Billy Yates, Halleluja Sofus, Evi Tausen, Flamma, Vestmenn og onnur á pall.
