Vágaportalurin skrivar, at serbiski málverjin, sum í fjør vardi málið hjá TB, skal styrkja um hópin hjá MB í summar.
MB flutti upp í 2. deild fyri tveimum árum síðani. Í fjør var málið at stabilisera seg í deildini, og tað málið varð rokkið við einum 4. plássi.
Nú er málið at flyta upp, og partur av hesum ætlanunum er altso serbiski málverjin, sum teir nú hava fingið hendur á. Predrag Markovic hevur spælt fyri TB, Skála, B71, AB, HB og Giza/Hoyvík, síðani hann á fyrsta sinni kom til Føroya í 2005.
