Áhugafelagið hjá MB varð stovnað 11. desember 1988. Endamál felagsins var at savna pening inn til graslíkisvøllin í Miðvági. Kreppan fyrst í nítiárunum hevði við sær, at bæði graslíkisvøllurin og MB-húsið var selt á tvingsilssølu 1. februar 1996. Áhugafelagið hjá MB keypti ognirnar, og hevur síðani goldið tær niður, soleiðis at tað nú er eingin skuld.
Áhugafelagið hjá MB vil eisini nýta høvið at frambera eina hjartans tøkk til øll tey mongu, sum hava stuðla felagnum so dyggiliga. Ein serlig tøkk til Miðvágs Kommunu fyri sera góðan stuðul.
Í dag, 11. desember 2008, júst 20 ár eftir at felagið varð stovnað, hevur Áhugafelagið hjá MB, á lítlari samkomu í MB-húsinum, latið Miðvágs Bóltfelag ognirnar aftur.
Sostatt er Miðvágs Bóltfelag nú aftur eigari av húsi og graslíkisvølli.
Verður sagt í tíðindaskrivi frá Áhugafelagnum hjá MB,
