í gjárkvøldið vitjaði løgreglan hjá einum matveitara norðanfyri.
Illgruni var nevniliga um, at matveitarin, sum bara hevur loyvi til at veita mat út úr húsinum, eisini hevði gestir, sum eta í hølunum hjá veitaranum.
- Hetta var ein vitjan, sum vit gjørdu saman við avvarðandi myndugleika, visti vaktleiðarin á løgreglustøðini í Havn at siga í morgun.
Løgreglan sigur, at matveitarin fekk at vita, at viðkomandi skal halda seg til galdandi loyvi og reglur.
- Ætlar matveitarin eisini at hava gestir sitandi inni og eta, skulu neyðug loyvi fyrst fáast til tess, verður lagt aftrat.
