Tað eru tveir tónleikarar úr Noregi, sum koma at spæla og syngja.
Hilde Haraldsen Sveen er sangari og undirvísir á Griegakademiðinum í Bergen og Per Inge Hove er urguleikari.
Tey hava í eini verkætlan funnið fram sangir, sum gjøgnum tíðirnar hava verið sungnir í tí tey í Noregi kalla »Bedehusmiljøene« – sum kann sigast at samsvarar missiónshúsini her heima hjá okkum.
Heitið á skránni er titulin á ein av teim kendu sangunum úr tí umhvørvinum: »Om jeg eide alt men ikke Jesus«, sum eisini er kendur her hjá okkum »Um eg átti alt, men ikki Jesus«.
Duoin tulkar hesar sangir við eini varligari kenslu fyri innihaldið í sangunum og í kærleika til tey, sum hesir sangir hava so stóran týdning fyri.
Av øðrum sangum, sum tey framføra kunnu nevnast: Hans navn skal kalles Jesus. Lær meg å bede, Gud. Det skal bli strømmer å nåde.
