Annað árið á rað er Mathias Gidsel valdur at vera heimsins besti hondbóltsleikari í atkvøðugreiðslu stóri hondbóltsmiðilin, Handball-Planet skipar fyri.
Bert ein annar leikari hevur vunnið hendan heiðurin tvey ár á rað. Franska legendan, Nikola Karabatic vann hendan heiðurin í 2014 og í 2015.
32.000 brúkarar og 10 hondbóltsmiðlafólk hava tikið lut í atkvøðugreiðsluni.
Danskir landsliðsleikarar manna topp-5 á yvirlitinum.
Málverjin, Emil Nielsen er nummar tvey og Simon Pytlick er nummar trý. Emil Jakobsen er nummar fyra, og Magnus Saugstrup er nummar fimm.
