Martin Agnarsson og liðfelagarnir í Aarhus Fremad tóku í dag ímóti oddaliðnum í triðbestu donsku fótbóltsdeildini, Fremad Amager, ið hevði Andrass Johansen á beinkinum.
Hjá báðum liðunum var talan um fyrsta kappingardystin í 2025.
Tað eydnaðist Aarhus, ið hevði Martin við frá byrjan at vinna dystin 1-0. Andreas Pasani skoraði sigursmálið í tíðini dómarin hevði lagt aftrat, og so fekk Aarhus minkað um frástøðuna til oddaliðið.
Fremad Amager er fremst í deildini við 35 stigum. Aarhus Fremad hevur 32 stig, og Middelfart á triðja plássinum hevur 28 stig.
