27. august fylti Martin Joensen 60 ár, men av tí at hann hevur verið burturstaddur, verður hann ikki hátíðarhildin fyrr enn nú.
Komandi leygardag hevur hann listaframsýning í Vestmanna, har eisini verður undirhildið við tónleikaligum innsløgum og hugleiðingum.
Rás2 vitjaði fyrrapartin millum 10 og 11 heima hjá Martini Joensen í Havn, har rásin tosaði við føðingardagsbarnið um barnaár í Vestmanna, um yrkingarnar, hann hevur lagt úr hondum og um málningarnar, sum hann fer at sýna fram leygardagin.
Tað vóru Mirjam Pætursdóttir og Evy Tausen, sum vóru á gátt hjá Martini Joensen fyrrapartin í dag.
