Undan dagsins dystum í triðbestu donsku fótbóltsdeildini var liðið hjá Andrassi Johansen, Fremad Amager fremst í deildini, og liðið hjá Martini Agnarsson, Aarhus Fremad var næstfremst í deildini.
Men nú er Aarhus fremst í deildini.
Martin spældi allan dystin, tá hann og liðfelagarnir á útivølli vunnu stórsigur 4-0 á HIK. Mathias Kubel fekk Aarhus á sigurskós í 28. minutti. Fyrstu fimm minuttirnar av seinna hálvleiki skoraði Aarhus tvey mál. Fyrst økti Thomas Mikkelsen við einum brotssparki til 2-0, og síðani økti Mathias Kubel til 3-0. Í tíðini dómarin hevði lagt aftrat økti Jashar Beluli til 4-0.
Andrass Johansen var 62 minuttir á vøllinum, tá hann og liðfelagarnir í Fremad Amager á útivølli tapti 0-3 fyri gamla liðnum hjá Andriasi á Lava Olsen og Atla Danielsen, Frem. Tá Andrass fór av vøllinum var støðan 2-0 til Frem.
Aarhus Fremad er fremst í deildini við 41 stigum. Fremad Amager er næstfremst við 39 stigum. Middelfart hevur 37 stig á triðja plássinum.
