Tey hjá Dugna á Kambsdali eru í løtuni fult upptikin við at fyrireika tann stóra marknaðardagin sum byrjar um góðar tveir tímar.
Klokkan 14 í dag lata tey nevniliga dyrnar upp fyri tí stóra marknaðardegnum, sum verður opin fram til klokkan 18.
Á hesum tiltaki er aftur góð undirtøka, tí so mong sum 23 borð eru umbiðin við alskyns lutum at ogna sær.
Dugni skipar eisini fyri eini café, har tey selja ymiskt til matna, lagkøku, pylsubreyð og annað.
Tey hava eisini ein fiskibrunn til børnini, og tí er hetta ein marknaðardagur bæði fyri børn og vaksin.
Eingin ivi man vera um, at tey sum fara framvið hjá Dugna á Kambsdali fara at gera kvetti.
