Danskir miðlar við serligum atliti til móta, hava seinastu mánaðirnar verið á tremur við tíðindum um Balmain Hair Couture, sum føroyska Mariann Klein Ivansdóttir er umboðskvinna fyri í Danmark eins væl og í Føroyum.
Tí meðan føroyingar hava havt Balmain til taks í landinum í fleiri ár, so hava danir nústani fingið atgongd til vørur frá Balmain Hair Couture, umvegis føroysku umboðskvinnuna.
Mariann Klein Ivansdóttir hevur sostatt uppbygd sær eitt gott navn í altjóða hármótaheiminum og seinastu árini hevur hon verið partur av Balmain shownum í Paris Fashionweek. Soleiðis var eisini í ár, tá ið Mariann og aðrar hárfríðkanir frá øllum heiminum stóðu á odda fyri "lookinum" hesaferð.
Danska Elle Magazine var við handan pallin, tá ið Mariann og hini fríðkaðu høvdini á vøkru modellunum. Og hesaferð snýr tað seg um at fáa eitt sokallað "wet-look".
- Vit hava brúkt trý ting. Vatn, Sessin Spray (hárspray) og Argan Elixir (olju). Ger hárið vátt og deil tað í eina reik. Spreiða síðani hárspray í botnin og endað við argan elixir, so tú fært eitt vátt look, sigur Mariann Klein Ivansdóttir við elle.dk.
Les greinina á Elle her: Paris Fashion Week FW/17: Backstage til Balmain Hair Couture
Og sí myndir, sum Mariann Klein Ivansdóttir sjálv hevur tikið, her.
