Sangarinnan Mariah Carey yvirhálaði í dag Elvis Presley á Billboard Hot 100 í kappingini um flest fyrstapláss á amerikanska hittlistanum. Næstir í røðini eru The Beatles.
Tað var seinasta stakfløgan ?Touch My Body?, ið tryggjaði Mariah átjanda fyrstaplássið ? júst eitt meiri en legendariski Elvis megnaði at fáa.
Sostatt liggur Mariah Carey nummar tvey á Billboard Hot 100 kappingini, og The Beatles á fyrsta plássi.
Men møguleikarnir hjá Mariah at vinna á The Beatles eru góðir, tí metið hjá The Beatles er áljóðandi 20 fyrstapláss ? sostatt skal Mariah ?bert? megna at gera tvey hitt afturat.
- Eg havi aldrin droymt um at náa so langt ella sammet meg við hvørki Elvis ella The Beatles, ið av álvara kollveltu tónleikin, sigur Mariah Carey við tíðindastovuna AP.
