EB/Streymur fer eisini í 2022 at spæla í bestu deildini. Tað er greitt, eftir at gestirnir eru við at rigga av í Trongisvági, har fyrsta bríksl í útsetta jóansøkudystinum var longu klokkan 15.
Í viðførinum norður aftur í kvøld hevur EB/Streymur 1-0 sigur, sum ber við sær, at liðið undan tveimum teimum síðstu umførunum hevur 25 stig og er á sætta plássi. ÍF er næstaftast við 16 stigum. TB er aftast við trimum stigum.
Sigursmálið skoraði EB/Streymur eitt korter undan dystarloki. Ragnar B. Danielsen legði væl innfyri úr høgru, og eftir lítið kiks í verjuni endaði tað við, at Jóhann Hansson Joensen úr 15 metrum og mitt fyri smekkaði bóltin upp í nettakið. Hetta var fyrsta málið hjá 20 ára gamla Jóhann, síðani hann í summar flutti úr B36 og til EB/Streym.
Gestirnir vóru mest á bóltinum, og teir høvdu flestu spentu støðurnar og onkra góða roynd ímóti málinum, har Andreas Heggen onkra ferðina bjargaði heilt væl.
TB royndi at samanspæla, og tað vóru ikki so nógv mistøk í uppspælinum, sum tað fleiri ferðir fyrr í ár hava verið. TB hevði onkrar góðar støður, men tað var ongantíð heilt vandamikið frammanfyri Róa Zachariasen í málinum.
Í tveimum teimum síðstu umførunum skal TB spæla á útivølli ímóti B68 og á heimavølli ímóti 07 Vestur.
Í tveimum teimum síðstu umførunum skal EB/Streymur spæla á útivølli ímóti KÍ og so verður rundað av ímóti B68 í Hólmanum á Eiði.
Næsta ár fer TB at spæla í næstbestu deildini.
Næsta ár fer EB/Streymur at spæla í bestu deildini. Tá verður heimavøllurin við Margáir í Streymnesi.
TB - EB/Streymur 0-1 (0-0)
0-1: Jóhann Hansson Joensen 77.
Dómari: Eiler Rasmussen
TB: Andreas Heggen – Jens Erik Bruhn, Dánjal Godtfred, Ndende Adama Guyé, Oddmar Nybo Jespersen - Nikolei Johannesen, Moro Ibrahim, Filip Djordjevic (Andreas Midjord, 61.), Gilli Augustinussen – Jóhan Renéson Thomsen, Samudeen Musah
Gult kort: Jens Erik Bruhn
Venjari: Helen Lorraine Nkwocha
EB/Streymur: Rói Zachariasen – Ragnar B. Danielsen, Mikkjal Hellisá, Andras Ó. Olsen, Ári Arge – Ronnie Møller-Iversen, Árni G. Olsen, Símun Sólheim, Jóhann Hansson Joensen – Tóki Johannesen (Hans Pauli Samuelsen, 56.), Niklas T. Kruse (Arnbjørn Hansen, 59./Gutti Dahl-Olsen, 82.)
Gult kort: Andras Ó. Olsen
Venjari: Jákup Martin Joensen
KÍ | 25 | 22 | 2 | 1 | 96 | 10 | 68 |
Víkingur | 25 | 18 | 5 | 2 | 58 | 24 | 59 |
HB | 25 | 17 | 4 | 4 | 80 | 22 | 55 |
B36 | 25 | 11 | 9 | 5 | 49 | 31 | 42 |
NSÍ | 25 | 12 | 5 | 8 | 47 | 36 | 41 |
EB/Streymur | 25 | 7 | 4 | 14 | 27 | 50 | 25 |
07 Vestur | 25 | 7 | 4 | 14 | 31 | 68 | 25 |
B68 | 25 | 5 | 4 | 16 | 26 | 65 | 19 |
ÍF | 25 | 4 | 4 | 17 | 24 | 63 | 16 |
TB | 25 | 0 | 3 | 22 | 15 | 84 | 3 |
Sunnudagin 24. oktober
KÍ – EB/Streymur
ÍF – NSÍ
B68 – TB
B36 – Víkingur
07 Vestur - HB