Manchester United hevur leigað eysturríska Marcel Sabitzer frá Bayern Munchen. 28 ára gamli miðvallarin skal avloysa Christian Eriksen, sum er skaddur og ikki væntast spæl aftur fyrr enn í fyrsta lagi seint í apríl.
Tað gekk skjótt av fáa skiftið upp á pláss, tí Manchester United hevur nógvar dystir í løtuni og skuldi hava ein avloysara, meðan Marcel Sabitzer situr uttanfyri hjá Bayern Munchen og tað hevur hann ikki hug til restina av kappingarárinum.
- Onkuntíð skal tú gera skjótt av her í livinum. Tá eg fekk at vita, at hetta var ein møguleiki, so visti eg, at hetta var tað rætta fyri meg, sigur Marcel Sabitzer í fyrstu samrøðuni sum spælari hjá Manchester United.
Tað verður eisini sagt í bretsku miðlunum, at bæði Scott McTominey og Donny van de Beek eru skaddir. Fyrrnevndi væntast at sita uttanfyri í nakrar vikur, meðan hollendski Donny van de Beek helst ikki spælir aftur hetta kappingarárið.
Marcel Sabitzer hevur sáttmála við Bayern Munchen fram til 2025. Manchester United skal í kvøld spæla seinnu hálvfinaluna í Liga Cup kappingini. Manchester United vann 3-0 í fyrru hálvfinaluni, sum var á útivølli móti Nottingham Forest.
