- Ragnar Danielsen er snillingur við orðum og væl liggur fyri at skriva. Tí er einki at ivast í, at eisini hendan bókin verður verd at lesa.
Soleiðis siga tey í Sjóvar kommunu í dag, og her verður lagt aftrat, at helst fer nýggja bókin at liggja undir onkrum jólatræi í ár.
- Fyrra bókin, sum Ragnar gav út í 2019, kallaðist "Nú fækkast tey á gomlu Stranda gøtu".
Sambært heimasíðuni hjá Sjóvar kommunu sigur høvundurin, at hann hevur brúkt sama stíl í hesi bókini, sum í hinari fyrru.
- Høvuðspersónurin í "Mamma, ert tú komin" er fiktivur, men allir eldri strandingar kenna kulissurnar, sigur Ragnar Danielsen við heimasíðuna.
Bókin fæst í bókabúðunum kring landið og í Stranda Centrum.
