Sunnukvøldið klokkan 19.45 er sannleikans tími hjá føroyska A-landsliðnum í fótbólti um hvørt okkara megna at toga seg av aftasta plássinum í bólki 4 í Nations League Deild C.
Føroyar spæla móti Lettlandi á Tórsvølli. Lettland er næstaftast í bólkinum við trimum stigum, og Føroyar eru aftast við tveimum stigum.
Tað verður 36 ára gamli maltesiski dómarin, Philip Farrugia sum skal leiða dystin millum Føroyar og Lettland.
Philip Farrugia hevur dømt altjóða dystir fyri landslið og felagslið síðani 2021. Í november í 2022 dømdi Philip Farrugia tveir EM-undankappingardystir hjá føroyska U19-landsliðnum móti Ísrael og Finnlandi.
Nations League C, Bólkur 4
19:45 CET - Tórshavn (Tórsvøllur)
FØROYAR - LETTLAND
Dómari: Philip Farrugia MLT
Hjálpardómari 1: Alan Camilleri MLT
Hjálpardómari 2: Duncan Sultana MLT
Fjórði dómari: Matthew De Gabriele MLT
VAR dómari: Paolo Silvio Mazzoleni ITA
VAR hjálpardómari: Valerio Marini ITA
UEFA dómaraeygleiðari: Volodymyr Petrov UKR
UEFA umboð: Marko Simeunovič SVN
