Fyrru 1/8 finalurnar í Europa League hava verið í vikuni. Tungvektarin úr Katalonia, FC Barcelona, megnaði ikki at skora móti Galatasaray og Iñaki Peña, sum er útleigaður frá júst FC Barcelona.
Á heimavølli hevði FC Barcelona ringt við at fáa skjóta spælið at rigga í fyrra hálvleiki, men í seinna hálvleiki komu málroyndirnar, men hvørja ferð bjargaði Iñaki Peña. Við góðum ráðum frá venjaranum, Domenec Torrent, ið er fyrrverandi dystargreinari hjá FC Barcelona og hjálparvenjari hjá Pep Guardiola, megnaði Galatasaray at halda málið reint. Liðið liggur annars nummar 12 í Turkalandi.
Skotska Rangers er í holt við eitt ævintýr í Evropa. Eftir at hava vunnið á Borussia Dortmund, so vann Rangers 3-0 á heimavølli móti Reyðu Stjørnu. Eisini Braga fekk eitt flott úrslit og vann 2-0 á Monako.
Ein av favorittunum er Sevilla, sum vann 1-0 á West Ham. Her er spenningur undan returdystinum um eina viku. Atalanta vann 3-2 á Leverkusen, men tveir dystir vóru mikukvøldið. Lyon vann 1-0 í Porto og Eintracht Frankfurt vann 2-1 á útivølli móti Real Betis.
Spartak Moskva er útihýst í kappingini og RB Leipzig er víðari til fjórðingsfinalurnar.
Mikudagin:
Porto 0-1 Lyon
Real Betis 1-2 Eintracht Frankfurt
Í gjár:
Sevilla (ESP) - West Ham (ENG) 1-0
Rangers (SCO) - Crvena zvezda (SRB) 3-0
Braga (POR) - Monaco (FRA) 2-0
Atalanta (ITA) - Leverkusen (GER) 3-2
Barcelona (ESP) - Galatasaray (TUR) 0-0
