Frelsunarherurin í Danmark hátíðarhelt um vikuskiftið 125 ára stovningardag sín.
Í hesum sambandi vóru møtir hildin í Keypmannahavn, har general Linda Bond var høvðustalari.
Ein stór løta í hesum sambandi var, tá ið tveir føroyskir kadettar – hjúnini Magnus og Petura Haraldsen – vóru vígd at fara í heiltíðartænastu hjá Frelsunarherinum.
Teirra tænasta verður at byrja eitt arbeiðið hjá Frelsunarherinum í Grønlandi, sum sostatt kann gerast tað 125. landið í stóra altjóða felagsskapinum.
Magnus og Petura eru bæði uppvaksin í Tórshavn, men hava tey seinastu árini starvast hjá Frelsunarherinum í Nakskov í Danmark.
Petura er útbúgvin sjúkrarøktarfrøðingur og familju ráðgevi. Magnus hevur starvast sum leiðari á Genbrug Syd/Øst í Nakskov.
Mynd
