##med2##
07 Vestur er røttu megin niðurflytingarstrikuna aftaná sera týðandi 3-1 heimasigurin á TB á Dungasandi í Sørvági fyrr í dag. 07 Vestur er á áttanda plássi tvey stig frammanfyri ÍF. Sum gongdin er hjá Skála, B71 og AB í 1. deild er sannlíkt, at næstaftasta plássið hesaferð merkir beinleiðis niðurflyting til 1. deild. Tað hendir um tveir av uppflytingarkandidatunum enda á trimum teimum ovastu plássunum í 1. deild.
07 Vestur – TB 3-1 (1-0)
1-0: Dann Fróðason (30.)
2-0: Martin Heilberg Pettersen (46.)
3-0: Martin Tausen (51.)
3-1: John Villi Wøldike Leo (87.)
Á ljóðfíluni omanfyri ber til at hoyra samrøðuna sum var við høvuðsvenjarin hjá 07 Vestur, Magnus Powell í "Triðja Hálvleiki" á FM1:
Magnus Powell er glaður og lættur um sigurin, og serliga glaður er hann fyri fyrstu løtuna av seinna hálvleiki tá tað eydnaðist at koma uppá 3-0, men hann staðfestir, at TB stríddist av øllum alvi seinastu løtuna. Tað bleiv ein meira lívligur dystur fyri áskoðaran enn fyri venjaran, heldur Magnus Powell. Men tað er langt eftir á mál hjá 07 Vestur, og teir mugu aftur í arbeiðshandskarnar fyri aftur at vinna sær stig í komandi umfari í dystinum á Eiði móti EB/Streymi.
