Mikudagin klokkan 16.00 verður nýggja fløgan ?FJAKKARI? presenterað á móttøku á Hotel Djurhuus í Havn Í sambandi við, at nýggja fløgan ?FJAKKARI? verður útgivin, bjóðar Regin Guttesen til almenna móttøku á Hotel Djurhuus í Tórshavn - yvir av Cafe Nátúr.
Har fer Regin - saman Lenu Anderssen, Niclasi Johannesen, Jákupi Zachariassen, Gunnari Guttesen, Eyðuni Johannesen, Sølvu Ford og Lindu Petersen - at framføra nøkur løg av nýggju fløguni. Eisini fer Martin Joensen at hugleiða.
12 spildurnýggj føroysk løg eru á fløguni, sum er framleidd av Óla Poulsen. Móttøkan verður mikudagin klokkan 16.00. Til ber at keypa ?FJAKKARI? á staðnum. Atgongd er ókeypis og øll eru vælkomin til móttøkuna.
