Neistin er greipuvinnari annað árið upp í slag. Málið fyri komandi kappingarár er at endurvinna meistaraheitið og steypakappingina, men eisini at vinna seg víðari í altjóða kappingini fyri meistaralið.
Neistin fekk handað gullkrónurnar í dag. Liðið hevur verið fullkomiliga einaráðandi í hesum kappingarárinum.
Ingi Olsen, venjari, staðfestir, at menningin av ungu spælarunum hevur riggað væl.
- Vit hava fleiri ungar spælarar, sum hava ment seg nógv í hesum kappingarárinum. Tað frøast vit um. Nú ræður um at arbeiða víðari við hesi verkætlanini. Umframt at vinna greipuna, ætla vit okkum víðari í Evropa næsta kappingarár, sigur Ingi Olsen, venjari hjá Neistanum.
