Løgreglan í Luksenburg hevur lagt hald á pengar, sum nakrir íslendingar og feløg teirra eiga í bankum har. Málið hevur tilknýti til gamla Kaupþing.
Tað er Morgunblaðið, sum ber tíðindini, og blaðið veit at siga, at talan er um munandi upphæddir. Blaðið hevur tó ikki fingið at vita, hvussu nógvar pengar tað snýr seg um, ella hvørjar einstaklingar og hvørji feløg talan er um.
Íslendsku myndugleikarnir, sum rannsaka ymisk viðurskifti í sambandi við bankaskrædlið, bóðu myndugleikarnar í Luksenburg frysta bankakonturnar, og dómsvaldið har gav íslendsku myndugleikunum viðhald.
Endamálið við avgerðini er at tryggja pengarnar, meðan kannað verður, hvør veruliga eigur teir, skrivar Morgunblaðið.
