Lovar ikki 100 prosent trygd

Tað einasta hann vil lova er, at Arbeiðseftirlitið fer at rigga so væl sum tilber innan fyri teir fíggjarligu karm­ar, sum eru til taks.
Hetta gjørdi hann Løg­ting­i­num greitt tá ið Bjørt Sam­u­el­sen, tinglimur fyri Tjóð­veldi, spurdi hann, hvørja trygd hann kann veita fyri at Ar­beiðs­eft­ir­lit­ið fer at megna at røkja all­ar lóg­a­r­­á­­sett­­ar upp­­gáv­ur til fuln­­ar, nú játt­an­in er skerd og stovnurin er lagd­ur undir Heilsufrøðiligu Starvs­stovuna.
- Eg haldi, at tað, sum er gjørt, er forsvarligt, leggur hann afturat.
Hann sigur, at endamálið er at samanlagdir stovnar kunnu troyta somu fólk og hent­leikar.
Hann fór enntá víðari og metti, at eisini Brunaumsjón Lands­ins, ið somuleiðis er ein eft­ir­lits­stovnur, eisini kann kann fáa nyttu av at sam­starva við samanlagda stovn­in, tá ið eftirlit skulu ger­ast.
Endamálið er at fáa rakstr­ar­út­reiðsl­ur­nar av al­mennu umsitingini niður.
Ting­limir spurdu, hvussu nakar kundi váttað at Ar­beiðseftirlitið fer at virka til fuln­ar, tá ið stjórin sjálvur stað­festir, at hann er ikki ser­liga kunnugur við hetta øk­ið, tí hann hevur eitt heilt ann­að virkisøki.
Løgmaður sigur, at fyri at varðveita eitt fakligt støði, skulu vit ikki hava stovn­ar við færri fólkum enn enn 20 fólkum.