– Við tølandi orðum og myndum verða lærarar og foreldur lokkað at senda børn síni í Norðurlandahúsið til leikir og tiltøk, hvørs einasta endamál er at ávirka komandi ættarlið at skifta ”hitt náttúrliga um við tað, ið er ímóti náttúruni”.
Tað skriva løgtingsmenninir hjá Miðflokkinum í lesarabrævi í dag.
Les lesarabrævið hjá teimum her: Norðurlandaráðið og Trojanski hesturin
Jenis av Rana og Steffan Klein Poulsen nýta myndina, sum teir siga er úr Ilionskvænum um Trojanska hestin – tá grikkar lumpaðu trojabúgvar við at krógva seg inni í hestinum, ið teir góvu býnum sum gávu. Og teir samanbera Norðurlandahúsið við trojanska hestin.
– Tí langt frá alt er gott og gagnligt, sum borðreitt verður við í Norðurlandahúsinum, siga teir.
Tingmenninir vilja vera við, at Norðurlandahúsið aftuvendandi letur upp fyri oyðileggjandi tiltøkum úr Danmark, har endamálið er at læra børn um tað »ónátúrliga« – um homoseksualitet og soleiðis gera tað nátúrligt, at fólk eru samkynd. Tí tað er tað ikki sambært teimum báðum løgtingsmonnunum.
– Endamálið er eittans, at ávirka Føroyar og føroyingar við óføroyskum, óbíbilskum og skaðiligum kynsligum hugsanum, sum annars liggja fjart frá tí, sum føroyingar ”ervdu fedrum av”.
– Átøkum, hvørs snilda endamál er at seta spurningin- ”hevur nú Gud sagt”.
##med2##
– Og málbólkurin, sum lagt verður eftir, eru børnini. Við tølandi orðum og myndum verða lærarar og foreldur lokkað at senda børn síni í NLH til leikir og tiltøk, hvørs einasta endamál er at ávirka komandi ættarlið at skifta ”hitt náttúrliga um við tað, ið er ímóti náttúruni”.
Og so vísa teir báðir á, at í stýrinum fyri Norðurlandahúsið eru tveir av sjey limum føroyingar og væl meira enn 80 prosent av fíggingini er útlendsk, og kemur úr Norðurlandaráðnum.
– Tí eru allar royndir at muta ímóti til fánýtis. Talan er um útlendskkt vald, og fremmanda ávirkan, sum snildisliga verður smoygd yvir okkum, siga løgtingsmenninir.
Teir halda tí, at tað er umráðandi, at foreldur og lærarar eru á varðhaldi.
Teir heita tí á føroysk foreldur um at verja børn síni.
– Verið á varðhaldi fyri tí, sum snildisliga verður roynt at ávirka virðismiklastu ogn tykkara, børnini, við. Altvgerandi er eisini, at vit sum tjóð sum skjótast taka Norðurlandahúsið yvir á føroyskar hendir. Jú, tað kostar, men virði barnanna kann ikki metast í krónum og oyrum, siga løgtingsmenninir, sum halda, at við at taka Norðurlandahúsið yvir á føroyskar hendur, so slepst undan, at Norðurlandahúsið lokkar fólk – og serliga børn – at halda, at tað er náturligt, at summi fólk eru samkynd.
Stýrið fyri Norðurlandahúsið 2023-2025
Danmark
Thomas Bjørnager, stýrislimur
Føroyar
Mortan Zachariasen, stýrislimur
Grønland
Katja Vahl, stýrislimur
Noreg
Ellen Knutsen, stýrislimur
Ísland
Signy Omarsdottir, stýrislimur
Føroyar
Gunn Hernes, stjóri
Føroyar
Maria Holm-Jacobsen, starvsfólkaumboð
