Um Donald Trump, sum amerikanskur forseti, endurtekur seinastu útsagnir sínar um Grønland, verður tað álvarsamt fyri Danmark.
Tað sigur Lars Løkke Rasmussen, uttanríkisráðharri í Danmark, við TV 2.
- Um forsetin endurtekur tey sjónarmið, tær støður, sum vit hava sæð á sosialu miðlunum, so hava vit álvarsamastu uttanríkispolitisku kreppuna, vit hava havt í Danmark í nógv, nógv ættarlið, sigur hann við TV 2.
8. januar ljóðaði tað annars minni dramatiskt frá Lars Løkke Rasmussen.
Fyri 11 døgum síðani trúði hann ikki, at Danmark var í uttanríkispolitiskari kreppu.
- Eg havi ikki fatan av, at vit eru í einari uttanríkispolitiskari kreppu, segði Løkke, eftir at Trump hevði endurstaðfest sín áhuga fyri at yvirtaka Grønland.
Trump verður innsettur sum forseti í USA fyri aðru ferð í morgin.
/Ritzau/
