– So er seinasti fundur liðugur, nú liggur Paris fyri framman, fara úr Klaksvík í morgin, steðga í Runavík, Oyrarbakka, og á Vaglinum í Tórshavn, áðrenn súkklað verður umborð á Norrønu.
Soleiðis skrivar Kaj Leo Holm Johannesen, løgmaður, nú hann saman við hinum Rynkebysúkklarunum fer við Norrønu í kvøld.
– Nokk av salvu og sólkrem, eg gleði meg sum eitt smábarn, sigur hann og leggur afturat, ta tað er gott fólk at verða saman við – og eitt gott endamál.
– Havið tað gott øll somul og passið væl upp á okkara vakra land, heilsar løgmaður, áðrenn hann súkklar úr Klaksvík umvegis Runavík og til Havnar umborð á Norrønu...
