Í eini húsarannsókn í einum privathúsum í Havn í gjár, legði politiið halda á fýra luksusbilar og fleiri skjøl
Bilasølan, sum fæst við at flyta inn brúktar luksusbilar til Føroya er skuldsett fyri svik ímóti landskassanum. Jón Klein Olsen, kanningarleiðari, vil ikki siga so nógv um málið, uttan tað, at talan er um svik ímóti landskassanum.
Í morgun vóru fólk frá politinum og frá Taks í ferð við kanna bilarnar.
Les eisini Løgreglan kannar svik móti landskassanum
Løgreglan hevur lagt hald á bilarnar fyri at tryggja sær nøkur virði, tá krav verður sett fram ímóti bilasøluni, sum altso er skuldsett fyri svik ímóti landskassanum.
Bilarnir á myndini eru av slagnum Volvo XC 60. Teir eru um 3-4 ára aldur og stóðu til sølu fyri 394.900 og 449.900 krónur, tá hald varð lagt á teir.
