Tey trý føroyingaliðini í næstbestu donsku fótbóltsdeildini, Fremad Amager, Vejle og Vendsyssel FF spældu øll javnleik í dag.
Fremad Amager hevði Heina Vatnsdal og Bárð J. Hansen við frá byrjan, tá Fremad Amager fyrr í dag spældi javnleik 0-0 ímóti HB Køge á útivølli. Í 64. minutti fekk Bárður J. Hansen gult kort sambært dystarfrásøgnini hjá Fremad Amager. Í tíðini, sum dómarin hevði lagt aftrat hevði Fremad Amager eina roynd á málið hjá HB Køge, sum var bjargað á málstrikuni.
René Shaki Joensen sat uttanfyri við skaða, tá lið hansara Vendsyssel FF spældi javnleik 2-2 ímóti Roskilde FC á heimavølli. Viljormur Davidsen var heldur við liðnum hjá Vejle, sum spældi javnleik 0-0 ímóti Helsingør á útivølli.
Talan var um seinasta landskappingardystin hjá Vendsyssel FF og Fremad Amager í hesum kalendaraárinum. Í komandi umfarinum 5. mars í 2017 møtast tey bæði liðini í Hjørring. Vejle spælir ein útsettan dyst hóskvøldið 1. desember áðrenn vejlensarnir fara í vetrarfrí. Útsetti dysturin er ímóti Nykøbing á útivølli.
Spennandi støðan, har bert átta stig skilja nummar eitt og nummar 10 :
| # | ||||||||
|---|---|---|---|---|---|---|---|---|
| 1 | Hobro | 19 | 9 | 4 | 6 | 31 - 23 | 31 | |
| 2 | Vendsyssel FF | 19 | 9 | 4 | 6 | 31 - 27 | 31 | |
| 3 | FC Roskilde | 19 | 8 | 6 | 5 | 24 - 25 | 30 | |
| 4 | Fremad Amager | 19 | 7 | 7 | 5 | 29 - 21 | 28 | |
| 5 | HB Køge | 19 | 6 | 10 | 3 | 21 - 15 | 28 | |
| 6 | FC Helsingør | 19 | 6 | 9 | 4 | 26 - 21 | 27 | |
| 7 | Skive | 18 | 8 | 2 | 8 | 20 - 29 | 26 | |
| 8 | Vejle | 18 | 6 | 7 | 5 | 24 - 15 | 25 | |
| 9 | Nykøbing FC | 18 | 7 | 3 | 8 | 23 - 24 | 24 | |
| 10 | Fredericia | 19 | 6 | 5 | 8 | 18 - 26 | 23 | |
| 11 | Næstved | 18 | 6 | 3 | 9 | 28 - 31 | 21 | |
| 12 | AB Gladsaxe | 19 | 3 | 2 | 14 | 21 - 39 | 11 |
