Liverpool var í dag á vitjan í Birmingham. Í fyrra hálvleiki var so sum so við møguleikum. Steven Gerrard legði Liverpool á tíðliga í seinna hálvleiki. Løtu seinni javnaði Liam Ridgewell til endaliga úrslitið 1-1.
Stutt eftir útjavnandi málið skifti Liverpool venjarin, Rafael Benitez, Fernando Torres út. Tað sá ikki út til at fella í góða jørð hjá spanska framherjanum.
- Torres var ikki skaddur, men hann var útkoyrdur. Vit høvdu fleiri spælarar, ið vóru troyttir frá dystinum hóskvøldið ímóti Benfica. Nú skulu vit vinna teir seinastu fimm dystirnar, um vit skulu røkka fjórða plássinum, sigur Benitez.
Liverpool liggur nú nummar seks við 55 stigum. Manchester City hevur 59 stig á fjórða plássi, meðan Tottenham hava 58 stig á fimta plássi. Liverpool hevur eisini spælt ein dyst fleiri enn tey bæði.
Permier League úrslit í dag:
Birmingham ? Liverpool 1-1
Everton ? West Ham 2-2
Fulham ? Wigan 2-1
