Liverpool hevði í kvøld møguleikan at legga á odda við sjey stigum, eftir at Manchester City í gjár púra óvæntað tapti 2-1 fyri Newcastle. Á Anfield megnaði Liverpool bara at spæla javnleik 1-1 móti Leicester.
Liverpool kom annars á odda longu aftaná tveir minuttir, tá Sadio Mané úr vinstru plaseraði bóltin í handara síðunet. Síðani kom Leicester væl við og kundi havt skorað fleiri enn tað eina, sum teir fingu í yvirtíðini í fyrra hálvleiki.
Chelsea tykist vera steðga upp. Teir taptu heili 4-0 á útivølli fyri AFC Bournemouth, meðan Tottenham mátti stríðast fyri at vinna á Watford á heimavølli. Við úrslitunum í dag er Tottenham við aftur í meistarastríðnum, nú frástøðan upp til Liverpool er minkað niður í sjey stig. Liverpool er oddalið og hevur fimm stig fleiri enn Manchester City.
Premier League 24. umfar:
Arsenal 2 – 1 Cardiff City
Fulham 4 – 2 Brighton & Hove Albion
Huddersfield Town 0 – 1 Everton
Wolverhampton Wanderers 3 – 0 West Ham United
Manchester United 2 – 2 Burnley
Newcastle United 2 – 1 Manchester City
AFC Bournemouth 4 – 0 Chelsea
Southampton 1 – 1 Crystal Palace
Liverpool 1 – 1 Leicester City
Tottenham Hotspur 2 – 1 Watford
