Tann 20. juli lat upp listaverkstaður í Gamla Skúla á Vágsvegi 101 við donsku
listakvinnuni Dorte Tilma.
Hesin arbeiðsverkstaður verður opin frá 20. til
22. juli kl. 13-17. Í døgunum 23.-25. juli 2010 hevur Dorte framsýning í
somu hølum. Framsýningin letur upp fríggjadagin kl. 14. Leygardagin og
sunnudagin er opið frá kl. 12-17.
Dorte Tilma býr í Højbjerg við Århus. Hon starvast sum organistur í Langenæs
Kirke í Århus, undirvísir á Vestjysk Kirkemusikskole, og so er hon
harafturat fjøltáttað listafólk. Hon fæst m.a. við pílaflætting, vevlist,
myndlist og bindingarlist. Dorte var í umleið 10 ár kórleiðari hjá
kirkjukórinum Ljómi í Vági. Hon hevur verið fimm uttanlandaferðir við
Ljómi. Hon hevur havt fleiri orgulkonsertir í Føroyum.
Dorte byrjaði at arbeiða við píli í 1980?unum. Hon er við í listabólkinum
Baskets4life, sum arbeiðir við at gera danska list í afrikanskum rammum.
Dorte arbeiðir nógv við hondunum, hon bindir, vevar, flettar píl og spælir
orgul. Hon hevur havt egnar framsýningar í Danmark og Føroyum. Í døgunum
fram til framsýningina í Gamla Skúla fer hon at ganga túrar í Suðuroynni og
leita sær íblástur til installatiónir, sum hon ætlar at hava við á
framsýningini.
Tað er ókeypis at vitja framsýningina og listaverkstaðin hjá Dorte Tilma.
