Listasavnið ræður sær sjálvum

Stýrið tekur suverent allar avgerðir á Listasavni Føroya. Tí kemur tað í prinsippinum heldur ikki øðrum við, hvussu keypt verður inn til savnið, staðfestir leiðarin Helgi Fossada

Anna V. Ellingsgaard

16.12.2009 (14:03)

<style type="text/css">  </style>   <o:p> </o:p> Nú rættiligt kjak hevur verið í seinastuni um mátan, Listasavn Føroya keypir inn list, heldur leiðarin, at tað er okkurt fólk hava misskilt. Hann minnir á, at Listasavnið er ein sjálvsognarstovnur, ið ræður sær sjálvum, og har hvørki mentamálaráðharrin ella onnur hava nakra ávirkan á avgerðirnar.<o:p></o:p> - Tað er stýrið fyri savnið, sum suverent tekur avgerðir um, hvussu og hvørji verk skulu keypast inn til savnið. Tað einasta mentamálaráðið kann gera, er at stegða játtanini til savnið ella økja hana, um tað, er at tey vilja, sigur Helgi Fossadal.<o:p></o:p> <o:p> </o:p> Onki at skammast yvir<o:p></o:p> Hann staðfestir tó, at tað er hann sum leiðari, ið stendur við evstu abyrgdini fyri innkeypspolitikki og samlingini av list á savninum. Og eftir hansara tykki er føroysk list bæði væl og breitt umboðað.<o:p></o:p> Helgi Fossadal vísur tó ikki aftur, at bara 10 verk eru keypt frá Heystframsýningarbólkinum, síðani hann kom í starvið sum leiðari í 2005. Men tað hevur onki við tey fólkini at gera, leggur hann doyðin á.<o:p></o:p> - Eg fokuseri útilokandi uppá, um listin er góð ella ikki, og so verður keypt inn út frá teimum treytum, sum vit nú einaferð arbeiða undir, sigur hann og vísir millum annað á, at tað er avmarkað, hvussu nógvan pening savnið hevur at keypa list fyri.<o:p></o:p> - Alt hetta stendur eisini at lesa í ársfrágreiðingunum. Eg havi onki at fjala ella skammast yvir, sigur hann.  <o:p></o:p> Millum annað vísir hann á, at síðani savnið í 2004 byrjaði at skráseta øll verkini hjá savninum er leiðslan vorðin varug við, at stór glopp hava verið í samlingini, millum annað í verkunum hjá Tommy Arge og Mikines. Tí hava fleiri av keypunum seinnu árini verið gjørd í eini roynd at tippa hesi holini.<o:p></o:p> Hinvegin er tað ikki vist, at savnið hevði havt raðfest innkeypini øðrvísi, um hesi atlit ikki skuldu takast.<o:p></o:p> - Nei, sjálvt um vit høvdu nógvar milliónir at keypa inn fyri, er tað ikki vist, at vit høvdu keypt meir frá Heystframýningarbólkinum ella øðrum listafólkum fyri tann skuld.<o:p></o:p> <o:p> </o:p> Heystframsýningin ikki áhugaverd í ár<o:p></o:p> Í listaumhvørvinum undrast fólk tó framvegis yvir, at savnið ikki hevur keypt nýggj høvuðsverk eftir týðandi yngri listafólk sum til dømis Hanna Bjartalíð, Hansinu Iversen, Rannvá Konoy, og Tórodd Poulsen í Heystframsýningarbólkinum. Nær tað verður er óvist.<o:p></o:p> Hvussu nógv verk hevur Listasavnið keypt frá Heystframsýningarbólkinum í ár?<o:p></o:p> - Onki<o:p></o:p> Hví - tey høvdu jú eina sera stóra søluframsýning í ár?<o:p></o:p> - Tí har var onki áhugavert og ongin endurnýggjan í mun til tað, vit longu hava.<o:p></o:p> Vart tú sjálvur og hugdi?<o:p></o:p> - Nei, men eg sendi fakfólk fyri meg at meta um tað<o:p></o:p> Hvørji vóru tey?<o:p></o:p> - Tað kemur ikki øðrum við, sigur Helgi Fossadal, og upplýsir, at annars hevur Listasavnið brúkt á leið 300.000 í ár at keypa list fyri.<o:p></o:p> Hann leggur afturat, at grafisk verk eftir Tórodd Poulsen tó skjótt vera at síggja á Listasavninum sum úrslit av avtalu, sum Listasavnið hevur um keypa av list frá Grafiska Verkstaðnum.<o:p></o:p> <o:p> </o:p> Eg standi ikki í vegin<o:p></o:p> Leiðarin á Listasavninum minnir enn einaferð á, at hann til einhvørja tíð tekur listina fram um sín egna persón. Sjálvt um tað eftir øllum at døma er hansara persónur, sum er ein orsøkin til, at stórur partur av Heystframsýningarbóklkinum ikki vil sýna fram á Listasavninum.<o:p></o:p> - Tað verður teirra problem. Eg standi ikki í vegin fyri nøkrum, sigur Helgi Fossadal, sum nú heldur fram í starvinum í tilgongdini at knýta Listasavnið at einum Tjóðsavni.<o:p></o:p> Hvør hansara leiklutur verður í hesum arbeiði er heldur ógreitt í løtuni.<o:p></o:p> - Tað veit eg ikki. Tey í mentamálaráðnum ætla at samskipa eitt ella annað, sum skal skapa onkrar rationaliseringar, sigur Helgi Fossadal.<o:p></o:p> Til ta tíð er tað stýrið fyri Listasavnið, sum hevur evstu ábyrgd fyri virkseminum á savninum, og stýrið ger, sum sagt, sum tað vil, staðfestir leiðarin á Listasavni Føroya. <o:p></o:p> <o:p> </o:p> <o:p></o:p> <o:p></o:p>

Listasavnið ræður sær sjálvum

Mest lisið

Hotel Klaksvig (KG)!? – Hatta man vera ein misskiljing

Aldargamlir dýrgripir funnir á 600 metra dýpi

Stjórin á Vørn skuldsettur í máli um samanstoyt við Brimil

Ferðsluóhapp – Funningsvegurin stongdur

Vilja byggja ein nýggjan heilsudepil í Suðuroynni

Norðurlendsk fakfeløg fyri undirvísarar og granskarar hittast í Havn

Í HØJ fegnast tey um at hava tryggjað sær Ísak Vedelsbøl

Fara at rudda og fríðka í Kvívíkar kommunu

Mýrifípan vitjaði Kristin Michelsen

HM: Her er hópurin hjá Paraguay