Í døgunum frá 17. til 27. juli hevur Mary Strøm listaframsýning í Gallarí Ribarhús í Fuglafirði. Mary sýnir fram málningar og skulpturar. Málningarnir eru bæði abstraktir og naturalistiskir, har arbeitt er við strukturi og formum í akryl. Skulpturarnir eru lívsmyndir gjørdir úr endurnýtslutilfari. At Mary er ættað úr Føroyum sæst aftur í litunum og formunum.
Mary er ættað úr Tórshavn og búðsitandi í Herning. Hon er útbúgvin sniðgevi á Teko Centrinum í Herning og arbeiðir til dagligt sum sniðgevi, umframt at hon gongur á Århus Kunstakademi.
Fernisering verður leygardagin kl. 15-18. Teir dagar Mary er til staðar er opið frá sunnudegnum 18. til sunnudagin 25. juli frá kl. 15-18. Annars er framsýningin opin somu tíðir sum Piddasahandil fram til 27. juli.
