30. mai 2014 skrivaðu Sunda Kommuna og LISA, Listafólkasamband Føroya, undir samstarvssáttmála um nýtslu av Tjørnuvíkar skúla. Gamli, hugnaligi skúlin í Tjørnuvík hevur staðið tómur í nøkur ár.
Sunda Kommuna setti seg í samband við LISA fyrr í ár, og bjóðaði felagsskapinum húsini at nýta til gestaíbúð. LISA umsitur gestaíbúðina og umsøkn um vist í Tjørnuvík skal sendast til : lisa(at)lisa.fo.
Í LISA siga tey seg fegnast stórliga um hetta framtak.
