Tað var siðvenja á studentaskúlanum á Kambsdali, at tað á hvørjum heysti varð skipað fyri heystkvøldsetu.
Nú er studentaskúlin á Kambsdali ikki til longur. Gamli studentaskúlin er nú partur av Miðnámi á Kambsdali. Handilsskúlin og studentaskúlin vórðu undan síðsta skúlaárið lagdir saman í ein skúla – Miðnám á Kambsdali.
Siðvenjan við kvøldsetu á heysti heldur fram á nýggja skúlanum.
Í kvøld klokkan 19 verður kvøldseta.
Á skránni verður m.a. tónleikur, námsferðafilmar, leiklist, kórsangur og evnafrøðiframvísing.
Kvøldseturnar á Kambsdali eru almenn tiltøk, ið lata dyrnar upp og vísa ymiskt virksemi á skúlanum.
Seinastu árini er umfatandi umbygging og nýbygging farnin fram á Kambsdali, so hetta er eisini eitt gott høvi hjá áhugaðum at síggja nýggju karmarnar.
Kvøldsetan byrjar klokkan 19 og endar umleið klokkan 21.
