Ríkisfelagsskapurin
? Nú er rættiligur fjáltur við at koma á føroyskar politikarar
Tað sigur annar føroyski fólkatingslimurin, Lisbeth L. Petersen.
Í kjalarvørrinum á umstríddu ráðstevnuni hjá Norðuratlantsbólkinum í Keypmannahavn, hava fleiri politikarar, eisini løgmaður og landsstýrismenn, skuldsett norðuratlantsbólkin fyri at øsa danir upp ímóti føroyingum og fyri at taka grundarlagið undan eini avtalu frá 1998 ímillum Føroyar og Danmark, har tað verður staðfest, at tað er landsstýrið, sum hevur ábyrgdina av fíggjarpolitikkinum í Føroyum.
Hetta eru hørð orð. Atfinningarnar eru so harðar, at tað eru enntá tey, sum siga seg verða skelkað av teimum hørðu viðmerkingum, sum eru falnar.
? Men eg haldi, at hetta er ein avleiðing av, at fjáltur er komin á politikarar.
Og tað heldur Lisbeth L. Petersen ikki vera so løgið, tí sporini ræða.
? Tað er væl skiuljandi, at fjáltur er komin á føroyskar politikarar. Teir minnast, hvussu vánalig viðurskifti vóru ímillum føroyingar og danir upp ígjøgnum tað mesta av nítiarunum.
? Hesi seinastu árini hevur friður verið og viðurskiftini ímillum Føroyar og Danmark hava verið góð.
? Men nú eru danskir politikarar aftur farnir at røra í pottinum í sambandi við blokkstuðulin og tað eru enntá teir, sum krevja, at blokkurin til Føroya verður endurskoðaður.
Danir eru eisini farnir at fýlast á føroyskan skattapolitikk og tann frádrátt, sum fiskimenn fáa.
Lisbeth L. Petersen heldur, at føroyskir politikarar stúra fyri, at hetta er byrjanin til eitt nýtt stríð ímillum Føroyar od Danmark.
?Serliga nú tíðirnar eru farnar at versna aftur, stúra føroyskir politikarar fyri, at danir fara at skerja blokkin at og leggja seg út í føroysk viðurskifti og tað kann vera til stóran skaða fyri føroyskan búskap.
Og tað ræðast teir, tí taka teir so ógvusliga til orðanna ímóti ráðstevuni, heldur hon.
? Skera danir blokkin, ella taka hann heilt av, skal nógv til, áðrenn teir fara at hækka hann aftur og tí eru føroyskir politikarar blivnir nervøsir av tí, sum er ført fram í Danmark í kjalarvørrinum á ráðstevnuni hjá Norðuratlantsbólkinum, sigur Lisbeth Petersen.
Óheppið
Tí Lisbeth Petersen eisini, at ráðstevnan í Keypmannahavn var óheppin.
? À hesi ráðstevnuni fingu danir at vita frá føroyskum serfrøðingum, at stórur vandi er fyri, at blokkurin hita búskapin.
? Og tað er skaðiligt at hita búskapin.
Ì kjakinum, sum hevur tikið seg upp í kjalarvørrinum á rástevnuni, hava vilja danskir politikarar hava blokkin til Føroyar endurskoðaåan.
Hetta heldur Lisbeth L. Petersen vera eina reaktión, sum er væl skiljandi.
? Útfrá tí, sum varð ført fram á ráðstevnuni, er reaktiónin frá donskum politikarum púra natúrlig.
? Teir vilja treyðugt gera støðuna í Føroyum verri enn hon er og tí er tað ein púra natúrlig reaktión hjá einum donskum politikara, sum fær at vita, at hann sendir eina milliard um árið til Føroya, sum kanska er við til at skaða føroyskan búskap.
Sjálvur blokkstuðulin er góðar 600 milliónir, men harafturat batala danir eisini løgreglu og dómsvald, so tilsamans betala danir eina milliard til Føroya um árið.
? Men Lisbeth L. Petersen sigur eisini, at sum føroyingi er hon eisini kedd av at síggja, hvussu illa viðfarnir, føroyingar verða í summum av teimum blaðgreinum, sum hava verið í Berlingske Tidende í kjalarvørrinum á ráðstevnuni.
? Har verður ein ógvuliga negativ mynd málað av føroyingum. Har verða Føroyar skýrdar sum eitt skattaparadís, frádrátturin til fiskimenn verður kallaður ein gávubúð og inntøkurnar hjá fiskimonnum verða nevndar ein órímilig lønarveitsla.
Tí heldur Lisbeth. L. Petersen samanumtikið, at tað var stak óheppið at halda eina
ráðstevnu sum hesa í Keypmannahavn.
?Men endamálið hjá Norðuratlantsbólkinum er at fáa loysing frá Danmark. Hetta er greiða endamálið hjá bólkinum, hóast Høgni Hoydal átti at vita, at loysingarvongurin í føroyskum politikki hevur mist meirilutan.
? Og ein máti hjá bólkinum at fáa sín boðskap fram, er at skipa fyri ráðstevnum. Og tað sigur seg sjálvt, at teir fara ikki at halda eina ráðstevnu, sum gongur ímóti teirra endamáli.
